انتضااااااارك

كل حاجه يانبيله في انتظارك
الوطن .. والناس .. وانا في انتظارك
والطريق العام .. والباب الرئيسي .. والممر .. وقبضة السلم ودارك .. ؟
كلبونا .. يانبيله بانتظارك ..

لو تشوفيني شلون امشي ويديني ف جيبي
انا و أحزاني وطيبي .. كان ماخذتي قرارك
كان مارحتي وقلتي ترى .. مانت بحبيبي
ياخساره قلبي المظلوم والا .. يا انتصارك ..

رحتي واخذتي معاك ابسط تفاصيل الحياة
يامزعلة البنات
سحقا لكل البنات
انا ميت فيك .. ايش ميت فيك .. !!؟
انتي فيك حتى الموت .. مات ..
ياجنونك .. ياانتشارك

مريّ ف شارعك الاول يالغلا الاول وطوفي
بس شوفي ..
من وقف على عيونه ف انتظارك
من بعد ماخنتي وخانوا كثير احباب يوفي
هم هم ..
رابطه جمهورك المتعصب لطله نهارك
انا .. وطيور القفص .. والباب واشجارك .. وجارك
انتي ام الحسن وام العاطفه وحنا صغارك
ف لا تلومينا ليامنا وقفنا ف انتظارك ..

اطغي اطغي .. خلي الغابات تتسلف خضارك ..
بس تترك اصفرارك ..
ل ابتسامات المجامل ولوقارك
واتركي لعشاقك الموتى حمارك
او بالاحرى .. . احمرارك

لاتلومينا مجانينك نحبك
لا طغيتي .. لازعلتي .. لاحكيتي .. لامشيتي
انتي مسكينه ومظلومه ومعذوره ليامنك نسيتي
لانك انتي اللي فقط .. .
ماشفتي نفسك لاحكيتي
لانك انتي اللي فقط
ماشفتي نفسك لا مشيتي

يادمارك
ياوقوف العالم الثالث على شُُرفة زرارك
مادريتي ؟ !!
طيب ادري يانبيله كانك اليا الحين فعلا مادريتي
انتي اكبر مشكله تواجه الشعب الكويتي


انتي مثل الظلم والاجحاف بس انتي لئيمه
هم طبيعتهم عدائيين بس انتي رحيمه
مابدر منك جريمة
انتي بالفطرة بدون سلاح ومقاتل جريمة
وانا بالفطره احبك ياعظيمه .. .
بذبولك وازدهارك .. .وانصهارك

يانبيله انا حاليا ترى ماني سعيد
ماعرف للعيد يوم
وماعرف لليوم .. . عيد
غايب وروحي جوارك
انقذيني كل ماوزني نقص حبك يزيد
انقذيني صرت اكلم نفسي ونفسي تعيد
كنّااول في انتظارك
انا وطيور القفص والباب واشجارك وجارك
كلهم راحوا وملوا ..
كلهم راحووا وخلوني لحالي .. في انتظارك
انا حاليا وحيد .. انا حاليا معيد .. لامزيد ولاجديد
الا اني اسولف مع الاخ انتظارك
عند دارك
على كرسي انتظارك
اجلس انا وانتظارك
في انتظارك ..