قصيده للشاعر الكبير حمد هادي المسردي والنعم فيه من غير قصور في باقي الشعراء.....

يقول اللـي برسـم القافيـاتيصوغ القاف صوغ مجوهـرات
إلى منـه بغـا نظـم القصيـدفـلا يختـار غيـر الطيـبـات

تنقـا مـن نظيفـات اللحـونعلى كيفه من القـاف كلمـات
محاريف القوافي لـو تعصـتأصخرها ولـو هـي عاصيـات

تخيـرت الكـلام اللـي يفيـدوجنبـت العلـوم التافـهـات
وأنا قاسيـت شـدات الزمـانوذقـت أمرارهـا والحالـيـات

ومن قاسى على الدنيـا شدايـديفيـد ويستفيـد مـن الحيـات
وأنا ماني بقـول انـي خبيـرولانـي بـا أدعـي بمقـولات

درست من المعرفه مـا تيسـروصرت أعرف علوم ٍ موجـزات
وعشت من الحيـاة الله واعلـمعن اللي من سنين العمر فـات

عرفت أطـوار نيـات الرجـالوشفت أسرارهـا المتخالفـات
وميزت الرفيـع مـن الوضيـعوقلت الحـق والعلـم الثبـات

ترى في الناس من يجلى الهمومعن المضيـوم عنـد النايبـات
يسد النوب من كـل النواحـيويركـي للحمـول الكـايـدات

عزيز النفس لـو مالـه قليـلايدينـه بالوفـا مستـاصـلات
عزيز النفس لـو مالـه قليـلاحبـالـه للـمـكـارم واردات

عزيز النفس لـو مالـه قليـلاشبـوره للمراجـل طـايـلات
ولا ظنيـت بـه ظـن ٍ بطيـبتشوف رسوم ظنـك راسيـات

وليمنـك نخيتـه فـي لـزومبذل لك في قضـاه المعجـزات
وليمنك نصيته وأنـت ضيـفيقوم لـك بجميـع الواجبـات

وفيهم مـن يزيـد الهـم غـمولا ينطـح وجيـه المكرمـات
واضعيف النفس لو ماله كثيـرسواً به فـي حياتـه والممـات

واضعيف النفس لو ماله كثيـرعن الطوله شبـوره قاصـرات
واضعيف النفس نذل ٍ ما يفيـدوجـوده والعـدم متسـاويـات

بخيـل ٍ فـوق دنيـاه وذليـلوعن الامجاد طبوعـه شـاذات
يقوله واحـد ٍ جـرب وشـافوصار يقول عقـب التجربـات

على قول الـذي بالقـول فـازسبقني في العصور الماضيـات
جـزا الله الشدايـد كـل خيـرعرفت بها القـدا والمخطيـات

وعرفت بها العدو من الصديـقجزاهـا الله عنـي بحسـنـات
فيا سامـع كلامـي لـك علـينصايـح كالجواهـر غالـيـات

ولا أريد الجـزا إلا مـن إلهـيثـواب الله خيـر الجـايـزات
عليك بطاعـة الله ذو الجـلالإلـه الـكـون رب الكايـنـات

جليل الملك ذو العرش العظيـمومن الأفـلاك بأمـره دايـرات
مغيث المستغيث إليـا أستغـاثوقهـار الجبـابـرة الطـغـات

ولي الأمـر عالـم كـل شـيولا تخفـى عليـه الخافـيـات
محـب العفـو غفـار الذنـوبوله حسنات الأسما والصفـات

وسيع الحلـم رحمـن ٍ رحيـموعفـوه واسـع ٍ للمغـفـرات
وهو معبودنا المحيي المميـتوعلـم الفقـر بيـده والغنـات

عليك بطاعته فـي كـل حيـنوقم لـه بالفـروض اللازمـات
شهادتـك وصلاتـك والصيـاموحـج البيـت واداي الزكـات

وبر الوالديـن احـرص عليـهوفعـل الباقيـات الصالـحـات
وقل معروف وأنه عن المناكـروأتق ذنـب رجـم المحصنـات

ولا تنقـل كـلام ٍ بالنميـمـهوتظلم لـك نفـوس ٍ غافـلات
ترى المولى عن العالـم غنـيومن طاعـه ينـال الأمنيـات

كريم ٍ لا عطـا ماهـو بخيـلومداتـه جــزال ٍ وافـيـات
ليا منه عطـى جـزل العطايـاوهو حلال صعـب المشكـلات

تراه اللي ليـا ضاقـت عليـكيفرجهـا مجيـب الـدعـوات
مزيـل الهـم رزاق ٍ معـيـنعلى خلقـه عيونـه مرقبـات

عظيم الشان حـي ٍ لا يمـوتمديـم ٍ والخـلايـق فانـيـات
وكن مستامن ٍ به وأمش وامـنوالأقـدار بفلكهـا ماشـيـات

ولا تحـزن وعانـد كـل هـمولا بـد الشـدايـد زايــلات
ولا شفـت المحقريـه بديـرهفأرض الله فجـوج ٍ واسعـات

بدل دار ٍ جفـاك اللـي سكنهـااتحصـل لـك ديـار ٍ ثانيـات
فحث الرجل وأرحـل لا تبالـيولا تبقـى عزومـك فـاتـرات

ودس بالرجل غبـات المخاطـرولا تحسب احساب مخاطـرات
فلا يجري لك الا ما كتـب لـكولا ياقـاك عنـه مـحـاذرات

وهاجر عن ديـار الـذل تربـحوسافـر للـديـار النـازحـات
ترى الأسفار سجـات وغنايـموكـم للبـال فيهـا تسلـيـات

ترى الأسفـار للعاقـل مفيـدهتفيدك مـن جميـع الناحيـات
تعرفـك الـرجـال الطيبـيـنذوي ساس العلـوم الغانمـات

وتجعل همـة اعزومـك قويـهوتعطيـك الـدروس الكافيـات
وفيها للمعاش أحسـن وسيلـهوفيهـا للنصيـب مصـادفـات

وسجات النفَـس فيهـا وفيهـالعمر المرء في الدنيـا طـرات
تحرك في فجوج الله الوسيعـهيجيك الرزق من كـل الجهـات

ولا ترضى الكسافه والمهونـهتشوف من المعاديـن الشمـات
وترى عمر الفتى ماهـو بدايـموترى آجال النفـوس محـددات

ونيل المجـد فـي قـوة الإرادهوطـلاب المعالـي مـا يبـات
يدور للعـلا لـو كـان يتعـبوعيونه في طلبهـا ساهـرات

فـلا تغتـر بالنـوم العمـيـقتراه يضيعـك عمـق السبـات
تغانم دام لـك قـدر إستطاعـهوما دام الفرص لـك سانحـات

وليمنك بذلـت الجهـد فأعلـمتـرى أرزاق العبـاد امقـدرات
فكـن صابـر وأقنـع بالمقـدَرْولا تندم على مـا كـان فـات

ترى الأرزاق مـا تاتـي بقـوهودنيانـا تراهـا خـذ وهـات
ورزق الحي مضمون ٍ وجـاريإليـا حتـى تلاقيـه الـوفـات

ولكـن التسبـب شـي واجـبومن يزرع سيجنـي الثمـرات
وترى من جد لابد انـه ياجـدكلام أهـل العقـول الزاكيـات

وليمنه بذل جهـده ولا أحـرزمرامـه مـا عليـه معاتبـات
ونفسه مـا يلحقهـا حسوفـهبقوله مـا عملـت محـاولات

اليـا مـن الليالـي عاكسنّـهوحظه مـا سعـى بمساعـدات
فيدري بـان هـذي دبـرة اللهويبقـى قانـع ٍ بالحـاصـلات

وخير الناس من يعطى القناعهولا أشقى من نفوس ٍ طامعـات
وعندي غير ما قلتـه وصايـاعلى المعنى الصحيح امسيسات

اليا منك بغيت تصون عرضـكوتحضـى بالمزايـا الكامـلات
فلا تمشي معـا الأنـذال دايـموساير لـك رجاجيـل ٍ ثقـات

ومن لا شـاورك لا تستشيـرهولو عند الظـروف القاسيـات
وكُن صامت فإن الصمت حكمهوهيبـه داخـل المجتمـعـات

وكُـب الثرثـره بالـك تلجلـجفلا يبقى على هرجـك شفـات
وكثر الضحك نقص ٍ بالمهابـهفلا تضحـك بـدون مناسبـات

ولا تنطق بغير الصـدق دايـمولا تبـدي اهـروج ٍ كاذبـات
وكُـن متواضـع ٍ بالـك تكبَـروخـل أخلاقـك دايـم عاليـات

ولا تشكي على حي ٍ سـوى اللهاليا شفت الظـروف معاكسـات
ولا تبدي علـى الأنـذال سـدكولا بـد الشـدايـد زايــلات

ولا تنسى عليك بحفـظ حقـكترى ليس الكـرم بمناضحـات
وعن التبذير صُن مالك يصونكاليا جات الظـروف القاسيـات

ترى ماكل من يضحـك يفيـدكاليا صـارت يدينـك خاليـات
وعز الجار فـان الجـار قـدرهعلى المسلم مـن المستلزمـات

وظيفك بش في وجهـه وقـدمله الماجود حسـب المقـدرات
وحذراك الخيانـه فـي خويـكولا ترضـى عليـه محايفـات

وحذراك الغـرور أول شبابـكترى طرق الغـرور مضيعـات
وليا ثار النشـب بيـن المقـردفجنـب والعواقـب مرضيـات

ولا تخطي ولا يخطـى عليـكوبالـك تعتـرض لمعرضـات
وليا جاك الخطا من يم جاهـلفـداره بالهـروج المقنـعـات

لعلك تقنعـه بأحسـن وسيلـهوبيبـان الحماقـه مقـفـلات
وان لم يقنـع الجاهـل بعـذركوأمـوره شفتهـا متـوتـرات

فكن عاقـل وحـذراك الجهالـهوحسّـب للقـوافـي قافـيـات
ليا جهل الجهول العقـل ضـدهفلا تحسـب لأمـور ٍ مهمـلات

مضى وقت الجهل وأقفى وولىمعا غبـر السنيـن المدبـرات
وليا مد الجهول ايديـه عامـدوصارت مـا تفيـد مفاهمـات

فحاول تقنعه فان كـان عانـدفـلا للنكـر غيـر المنكـرات
وردع الجهل ما يحسب خطيـهويحسب من الأمـور المقديـات

خصوصاً لأنتهى مقدار صبـركوشفت من الخصيـم معانـدات
فلا يرضى علـى نفسـه مذلـهيكون اللي عزومـه ناقصـات

ردي الخال نذل ٍ وابـن هامـهولاش ٍ والـروابـع خــاذلات
وليا منه قضى صبـرك وغلـقوشفت ان مالحلـول بمجديـات

فدافع دون عرضـك والكرامـهوخاتمتك ليا مـا جـات جـات
والأجل مقدر ٍ والمـوت واحـدوالأنفـس كلهـا لـه ذايقـات

ولا ياقـى الحـذر ممـا يقـدرلا بـد أحكـام ربـك نافـذات
وهذا ما أستطعت من النصايـحنصايـح ثابـتـه ومـوكـدات

يقولـه واحـد ٍ والكـامـل اللهيوصي وما عمـل بالتوصيـات
أوصيكـم وأنـا والله مقـصـرقصور ٍ مـا تغطـه لأورقـات

خصوصاً من جهة ما يرضي اللهوهذا اللي بـه أكبـر فايـدات
عسى ربي يسامحنـي ويغفـرذنوبـي الآتيـه والسالـفـات

ولكن ياهل العـرف أعذرونـياليا قصرت فأبغـى المعـذرات
وصلى الله على المختـار طـهعـدد مانسنسـن الـذاريـات

شفيع الخلق في يـوم الملاقـاوكل الخلـق حافيـن ٍ عـرات
رسول الحـق سيدنـا محمـدعليه من الإله أزكـى صـلات